Mynd: NordicPhotos

Tveir leikir fóru fram í 16-liða úrslitum Meistaradeildar Evrópu í knattspyrnu í kvöld. Báðir leikir kvöldsins áttu það sameiginlegt að vera ekki að bjóða upp á neina flugeldasýningu. Í báðum leikjum kvöldsins fóru heimaliðin með 1-0 sigur af hólmi þar sem mörkin komu ekki fyrr en undir lok leiksins. Marseille hafði betur gegn Inter og Basel gerði sér lítið fyrir og lagði Bayern Munchen af velli.

Basel 1-0 Bayern Munchen
1-0 Stocker 86.mín.

Leikur Basel og Bayern  í kvöld var ákaflega fjörugur fyrstu fyrsta hálftímann og í raun ótrúlegt að hvorugt liðið hafi skorað mark í fyrri hálfleiknum. Skemmtunin var ekki eins mikil í síðari hálfleik og stefndi því allt í markalaust jafntefli en heimamenn í Basel náðu þó að stela sigrinum þegar að einungis fjórar mínútur voru eftir af leiknum. Þar var á ferðinni Valentin Stocker en markið gæti reynst heimamönnum afar dýrmætt fyrir síðari leikinn sem fram fer í Þýskalandi.

Marseille 1-0 Inter
1-0 Ayew 90+2 mín.

Skemmtanagildið var ekki mikið í viðureign Marseille og Inter í kvöld og er í raun hægt að segja að leikurinn hafi verið frekar leiðinlegur á að horfa. Intermenn, sem hafa átt í bölvuðu basli undanfarið, voru eilítið beittari framan af leik en höfðu þó enga teljandi yfirburði í leiknum. Það stefndi því allt í markalaust jafntefli, líkt og í hinum leik kvöldsins en þegar að komið var fram í uppbótartíma náðu heimamenn að tryggja sér sigurinn með dramatískum  hætti en það var Andre Ayew sem reyndist vera hetja heimamanna.

Marseille og Basel eru því bæði í ágætis málum fyrir síðari leiki liðanna sem fram fara í byrjun næsta mánaðar.

Mynd: Karfan.is

Heil umferð var á dagskrá í Iceland Express deild kvenna í kvöld. Fjölnir tapaði gegn Val á heimavelli, 79-67, nýkrýndir bikarmeistarar Njarðvíkur sigruðu KR í Njarðvík og Keflavík heldur góðu gengi sínu áfram en þær lögðu Hamar á heimavelli. Þá vann Snæfell lið Hauka í Hólminum.

Njarðvík 78-71 KR (21-22, 20-17, 15-20, 22-12)

Nýkrýndir bikarmeistarar Njarðvíkur unnu góðan sigur á KR á heimavelli í kvöld. Njarðvík, sem situr í 2. sæti deildarinnar, átti í erfiðleikum með KR lengst af en frábær fjórði leikhluti Njarðvíkurstúlkna skilaði góðum 78-71 sigri. Þar sem Keflavík vann einnig sinn leik gegn Hamri þá er staðan á toppi deildairnnar óbreytt. Keflavík hefur 4 stiga forskot á Njarðvík sem situr í 2. sæti. KR situr í 3.-5. sæti, jafnar af stigum með Haukum og Snæfell. Stigahæst hjá Njarðvík var Lele Hardy en hún skoraði 21 stig og tók 23 fráköst. Hjá KR var Margrét Kara Sturludóttir stigahæst með 21 stig.

Stig Njarðvíkur:  Lele Hardy 21/23 fráköst/5 stoðsendingar, Petrúnella Skúladóttir 19, Shanae Baker-Brice 15/6 fráköst/5 stoðsendingar, Salbjörg Sævarsdóttir 7/7 fráköst, Ólöf Helga Pálsdóttir 6/7 fráköst/5 stoðsendingar, Ína María Einarsdóttir 6, Erna Hákonardóttir 2, Andrea Björt Ólafsdóttir 2, Eyrún Líf Sigurðardóttir 0, Sara Dögg Margeirsdóttir 0, Aníta Carter Kristmundsdóttir 0, Harpa Hallgrímsdóttir 0.
Stig KR: Margrét Kara Sturludóttir 21/5 fráköst, Hafrún Hálfdánardóttir 18, Erica Prosser 14/7 fráköst/7 stolnir, Sigrún Sjöfn Ámundadóttir 8/14 fráköst, Anna María Ævarsdóttir 6, Hrafnhildur Sif Sævarsdóttir 4, Kristbjörg Pálsdóttir 0, Rannveig Ólafsdóttir 0/5 fráköst, Sólrún Sæmundsdóttir 0.

Fjölnir 67-79 Valur  (18-25, 21-17, 14-14, 14-23)

Botnlið Fjölnirs fékk Val í heimsókn í Dalhús. Jafnræði var með liðunum lengst af en Valur sigraði síðasta leikhlutann með 9 stigum og dugði það til 12 stiga sigurs, 79-67. Fjölnir er að dragast langt aftur úr í deildinni en Fjölnirsstúlkur eru í neðsta sæti deildarinnar með 10 stig, Hamar hefur 12 í næst neðsta sæti en svo kemur Valur í 6. og þriðja neðsta sæti með 18 stig. Stigahæst hjá Fjölni í kvöld var sem fyrr  Brittney Jones með 28 stig. Hjá Val var Melissa Leichlitner stigahæst með 22 stig.

Stig Fjölnis: Brittney Jones 28/4 fráköst/7 stoðsendingar, Katina Mandylaris 13/15 fráköst, Jessica Bradley 10/9 fráköst/3 varin skot, Birna Eiríksdóttir 6, Bergdís Ragnarsdóttir 4/5 fráköst/3 varin skot, Hugrún Eva Valdimarsdóttir 4/4 fráköst, Erla Sif Kristinsdóttir 2, Dagbjört Helga Eiríksdóttir 0, Erna María Sveinsdóttir 0, Eva María Emilsdóttir 0, Heiðrún Harpa Ríkharðsdóttir 0, Margrét Helga Hagbarðsdóttir 0.
Stig Vals:  Melissa Leichlitner 22, Kristrún Sigurjónsdóttir 21, Unnur Lára Ásgeirsdóttir 11, María Ben Erlingsdóttir 9, Lacey Katrice Simpson 8/19 fráköst/5 stoðsendingar/5 stolnir, Þórunn Bjarnadóttir 4/6 fráköst, Signý Hermannsdóttir 2, Guðbjörg Sverrisdóttir 2, Ragnheiður Benónísdóttir 0, María Björnsdóttir 0, Hallveig Jónsdóttir  0, Berglind Karen Ingvarsdóttir 0.

Keflavík 73-61 Hamar

Enn hafa engar tölfræðiupplýsingar borist frá Keflavík en lokatölur eru staðfestar. Keflavík heldur sínu skriði áfram á toppi deildarinnar en Hamar eru í næst neðsta sæti með 12 stig, 6 stigum á eftir Val sem sitja í 6. sæti.

Snæfell 77-75 Haukar

Engar tölfræðiupplýsingar hafa borist frá Stykkishólmi en ljóst er að Snæfell vann þýðingarmikinn sigur á Haukum í kvöld. Nú sitja Haukar, Snæfell og KR í 3.-5. sæti, öll með 24 stig. Þessi þrjú lið munu koma til með að berjast um tvö sæti í úrslitakeppninni. Keflavík og Njarðvík eru nánast bæði búin að tryggja sig í úrslitakeppnina en það verður hörð barátta um hin tvö sætin.

Mynd: Nordic Photos

Kiel tók á móti Rhein-Neckar Löwen í Sparkassen Arena í kvöld í stórleik kvöldsins í þýska boltanum. Tveir íslenskir þjálfarar mættust; landsliðsþjálfarinn Guðmundur Guðmundsson með Löwen og Alfreð Gíslason hjá Kiel. Heimamenn höfðu ekki tapað leik fyrir leikinn og sýndu Löwen það fljótt að það væri ekki að fara breytast. Staðan í hálfleik var 17-9 fyrir Kiel og leikurinn endaði 33-25 fyrir heimamenn.

Kiel 33-25 Rhein-Neckar Löwen (17-9)

Heimamenn tóku forystuna á annari mínútu leiksins með þrumufleyg stórskyttunnar tékknesku, Filip Jicha. Löwen, undir stjórn Guðmundar Guðmundssonar jafnaði leikinn nokkrum sekúndum síðar með marki úr vítakasti frá Uwe Gensheimer. Löwen byrjaði leikinn vel og spilaði sterka vörn. Michael Müller kom Löwen í 2-1 en Filip Jicha svaraði að bragði og jafnaði 2-2. Jicha kom Kiel svo í 3-2 og 4-2 og setti upp sannkallaða skotsýningu.

Báðir Íslendingarnir byrjuðu á bekknum. Aron Pálmarsson hjá Kiel og Róbert Gunnarsson hjá Löwen. Aron hefur átt við meiðsli að stríða og Róbert hefur ekki átt byrjunarliðssæti í Löwen síðan hann gekk til liðs við félagið frá Gummersbach árið 2010. Aron átti þó eftir að láta til sín taka í leiknum.

Thierry Omeyer fór á kostum í marki Kiel í byrjun leiks, en kom ekki í veg fyrir að Uwe Gensheimer jafnaði metin í 4-4 fyrir Löwen á tíundu mínútunni. Kiel svaraði með tveimur mörkum; einu frá Marcus Ahlm og öðru frá Íslandsvininum Christian Sprenger og staðan því 6-4. Michael Müller minnkaði muninn í 7-6 á 13. mínútunni en Momir Ilic sá til þess að munurinn væri áfram tvö mörk með því að skora úr vítakasti á sömu mínútu.

Skyttur Kiel, Kim Andersson og Momir Ilic fengu að skjóta fyrir utan án þess að gengið væri út í þær og það veit ekki á gott. Þeir skoruðu tvö mörk í röð fyrir Kiel og staðan því 10-6, er stundarfjórðungur var eftir af fyrri hálfleik.

Goran Stojanovic hafði ekki varið skot í marki Löwen á 15. mínútunni og Guðmundur henti því Henning Fritz inn á, sem varði þó ekki mikið betur. Ivan Cupic gat ekki skorað hjá Omeyer en hann hafði klikkað þremur upplögðum marktækifærum er tíu mínútur voru eftir af fyrri hálfleik. Sóknarleikur Löwen var hrein hörmung og gegn jafn góðu hraðaupphlaupsliði og Kiel þá gengur það ekki upp en Kiel svaraði grimmt með hröðum upphlaupum og mörkum úr annari bylgju.

Omeyer hafði varið sjö af tíu skotum Löwen er tíu mínútur lifðu eftir fyrri hálfleiks og Löwen hafði ekki skorað mark frá 14. mínútu leiksins fram að þeirri tuttugustu en Kiel hafði hins vegar skorað sex. Aron kom inn á á 21. mínútunni og var ekki lengi að skora en það tók hann tvær mínútur að koma stöðunni í 15-7, með þrumuskoti. Aron spilaði út hálfleikinn og stóð sig vel í vörn sem sókn.

Þrátt fyrir að vera tólf mörkum yfir, 16-8 er þrjár mínútur voru eftir af fyrri hálfleik var Alfreð Gíslason ekki rólegur á bekknum hjá Kiel en tók sig engu að síður vel út með sólgreraugu á enninu. Guðmundur var þó áhyggjufullur enda hans lið aðeins skorað átta mörk og fengið á sig sextán er tvær mínútur voru eftir af fyrri hálfleik.

Fyrsta mark Pólverjans Krzysztof Lijewski fyrir Löwen kom þegar þrjátíu sekúndur voru eftir af fyrri hálfleiknum en vinstri skyttan Karol Bielecki hafði ekki skorað mark og segir það meira en margt um slakan sóknarleik Löwen en skytturnar höfðu aðeins skorað eitt mark samtals, á þrjátíu mínútum. Momir Ilic skoraði síðasta mark hálfleiksins en það kom úr vítakasti, staðan var því 17-9 fyrir heimamenn í hálfleik, sem léku við hvurn sinn fingur.

Kiel byrjaði síðari hálfleikinn betur en það var Marcus Ahlm sem skoraði mark síðari hálfleiksins. Róbert Gunnarsson byrjaði síðari hálfleikinn hjá Löwen en Aron Pálmarsson byrjaði á bekknum hjá Kiel. Fátt virtist benda til þess að Kiel gæfi forystuna frá sér en Dominik Klein kom Kiel í 20-10 eftir glæsilega sendingu frá Christian Zeitz.

Lítið var um varnir í byrjun síðari hálfleik en Kiel hafði fengið á sig fjögur mörk á fyrstu sjö mínútum hálfleiksins en staðan var samt 22-13 fyrir heimamenn. Hinn litríki leikmaður Christian Zeitz kom Kiel í 24-15 er tuttugu míníutur lifðu eftir hálfleiksins, með þvílíku þrumuskoti, sem verður líklega valið eitt flottasta mark umferðarinnar.

Sóknarleikur Löwen var ekki upp á marga fiska en leikmenn Löwen voru ekki með neinar lausnir á sterkri 6-0 vörn Kielar. Jafnvel þótt Kiel væri einum leikmanni færri tókst því að skora. Karol Bielecki skoraði sitt fyrsta mark er fimmtán mínútur voru eftir af fyrri hálfleiknum en hann þurfti tíu skottilraunir til þess.

Aron Pálmarsson kom aftur inn á er tólf mínútur lifðu eftir leiks og spilaði út leikinn. Kiel gaf ekkert eftir og var tíu mörkum yfir, 29-19 er sjö mínútur voru eftir af leiknum. Löwen minnkaði þó metin lítillega undir lokin, eða í átta mörk, 33-25, sem voru lokatölur leiksins.

Þessi stórleikur varð aldrei spennandi og Kiel sigraði því sinn 21. leik í röð, en liðið bætir metið með hverjum sigurleiknum, en þetta er besta byrjun deildarinnar frá upphafi.

Myndir: NordicPhotos

Sergio Aguero skoraði fyrsta mark City í dag. Mynd: NordicPhotos.

Manchester City er komið áfram í átta liða úrslit Evrópudeildarinnar í knattspyrnu eftir 4-0 sigur gegn Porto á heimavelli sínum í dag í seinni leik liðanna í 16-liða úrslitum. City vann fyrri leikinn 2-1 og rimmuna samanlagt 6-1.

Manchester City 4-0 FC Porto (1-0)
1-0 Sergio Aguero 1. mín.
2-0 Edin Dzeko 76. mín.
3-0 David Silva 82. mín.
4-0 David Pizarro 86. mín.
Rautt spjald: Rolando 77. mín. (Porto)

Sergio Aguero þurfti heilar 19 sekúndur til þess að skora fyrsta mark leiksins en markið skoraði hann af stuttu færi eftir sendingu frá Yaya Toure. Eftir korters leik var Toure sjálfur nálægt því að koma City tveimur mörkum yfir er hann slapp einn inn fyrir vörn Porto en Helton í marki gestanna sá við honum. Þegar hálftími var liðinn af leiknum var Aguero hársbreidd frá því að skora sitt annað mark en gott skot hans rétt utan vítateigs fór í þverslána. Staðan 1-0 í hálfleik.

Jamez Rodriguez kom boltanum í netið hjá Manchester City þegar seinni hálfleikurinn var rétt hálfnaður en hann var dæmdur rangstæður og markið því ekki gilt. Varamaðurinn Edin Dzeko kom City í 2-0 með marki þrettán mínútum fyrir leikslok en markið skoraði Dzeko eftir góðan undirbúning frá Aguero. Porto missti mann af velli mínútu síðar er Rolando var rekinn útaf eftir að hafa fengið að líta sitt annað gula spjald í leiknum. Við það opnuðust allar flóðgáttir fyrir City og þeir David Silva og David Pizarro skoruðu sitt markið hvor. Úrslitin 4-0 sigur City og ríkjandi meistarar Porto úr leik.

Manchester City mætir sigurvegaranunum úr viðureign Legia Varsjá og Sporting Lissabon í átta liða úrslitum keppninnar.

Mynd: Hilmar Þór

Evrópumeistarar Dana, sem léku til úrslita á HM í Svíþjóð fyrir rúmu ári, eru metnir inn í handboltakeppni Ólympíuleikanna í London í sumar í níunda sæti af tólf þátttökuþjóðum.  Gestgjafarnir frá Bretlandi, sem vart færast til bókar fyrir afrek sín á handboltasviðinu, eru fyrir ofan Evrópumeistarana í þessari röðun.

Danir vita hreinlega ekki hvort þeir eiga að hlæja eða gráta yfir þessari niðurstöðu Alþjóða handknattleikssambandsins, IHF, sem raðaði þátttökuþjóðunum á ÓL í London í styrkleikaflokka.
Ríkjandi heims- og Ólympíumeistarar Frakka eru í efsta styrkleikaflokki ásamt sigurvegaranum í undanriðli sem samanstendur af Spánverjum, Pólverjum, Serbum og Alsíringum.  Sigurvegararnir úr næstu tveimur undanriðlum lenda í öðrum styrkleikaflokki og þar koma Svíar, Króatar og Íslendingar einna sterkastir inn.  Liðið sem lendir í öðru sæti annars riðils fer í þriðja styrkleikaflokk, en liðið sem verður í öðru sæti þriðja riðils fer í fjórða styrkleikaflokki ásamt gestgjöfunum frá Bretlandi, sem reyndar njóta þeirra forréttinda að fá að velja sér riðil á ÓL.  Evrópumeistarar Dana, sem auk titilsins sem þeir unnu í Serbíu nú í janúar léku til úrslita á HM í Svíþjóð fyrir rétt rúmu ár, eru í fimmta styrkleikaflokki ásamt S-Ameríkumeisturunum frá Argentínu.  Sjötta og síðasta styrkleikaflokkinn skipa Asíumeistarar Kóreu og Afríkumeistararnir frá Túnis.

“Ég held að þeir (IHF) hafi ekki gert ráð fyrir því að silfurliðið á HM í Svíþjóð stæði uppi sem sigurvegari á EM í Serbíu,” er haft eftir Ulrik Wilbek, landsliðsþjálfara Dana, á vefsíðu danska dagblaðsins Ekstra Bladet.  “Í þessum hópi eru fjögur lið sem ekki eru eins sterkt og Evrópuliðin átta.  Bretar fá að velja sér riðil, sneiða örugglega hjá okkur, og þá lenda þrjú af fjórum slökustu liðunum saman í riðli.  Ef við hins vegar vinnum okkar riðil ættum við að fá léttari andstæðing í næstu umferð, væntanlega eitt af þessum þremur lélegri liðum í veikasta riðlinum.”
“Við höfum sent IHF bréf og bendum þeim á að þeir hafi kannski ekki hugsað þessa styrkleikaröðun alla leið.  Ég á ekki von á því að þeir svari okkur,” sagði Ulrik Wilbek.

Mynd: Hilmar Þór

Tveir leikir fóru fram í danska handboltanum í kvöld. Aðeins þrjú íslensk mörk voru skoruð en Arnór Atlason var eini Íslendingurinn sem skoraði fyrir AGK sem sigraði Skive FH örugglega, 28-17. Þá skoraði Guðmundur Árni Ólafsson eitt mark fyrir BSV sem tapaði gegn Viborg. Því hefur forysta AGK aukist á toppnum í níu stig. AGK er á toppnum með 37 stig en BSV er í öðru með 28.

Bjerringbro-Silkeborg – Viborg HK 27-29 (11-13)
Mörk BSV: Dennis Kirkegaard 5, Rasmus Lauge 5, Kasper Nielsen 4, Fredrik Schilling 3, Miha Zvizej 3, Mads Ø. Nielsen 3/1, Simon Kristiansen 2, Guðmundur Árni Ólafsson 2.
Mörk VHK: Marvin Nartey 8 (2), Casper U. Mortensen 5, Allan Damgaard 4, Jesper Meinby 3, Peter Krogh 3, Mads Møller 2, Elijan Dzankovic 2, Rasmus Hansen 1, Rene Madsen 1.

Skive FH – AG København 17-28 (8-12)
Mörk SFH: Tim Sørensen 4, Michael Pedersen 4/3, Andreas Nielsen 3, David Lund 2, Lars Olesen 1, Jeppe Krogh 1, Jeppe Stisen 1.
Mörk AGK: Nicklas Ekberg 8/2, Mikkel Hansen 4, Cristian Malmagro 4, Rene Toft 3, Henrik Toft 3, Stefan Hundstrup 2, Lars Jørgensen 2, Arnór Atlason 1, Kasper Ottesen 1

Mynd: Nordic Photos

Handknattleikstímaritið í Þýskalandi, Handballwoche hefur valið sjö eftirfarandi leikmenn í lið 20. umferðar deildarinnar.

Hér er úrvalslið vikunnar:

Vinstra horn: Uwe Gensheimer – Rhein-Neckar Löwen (3)

Vinstri skytta: Iker Romero – Füchse Berlin (2)

Miðjumaður: T. Salzer – Wetzlar (1)

Hægri skytta: Adrian Pfahl – Gummerbach (2)

Hægra horn: Michael Spatz – Grosswallstadt (3)

Línumaður: Marcus Ahlm – Kiel (3)

Markmaður: Carsten Lichtlein – Lemgo (1)

Wayne Rooney

Manchester United var að fá þau slæmu tíðindi að framherji liðsins, Wayne Rooney, verður ekki í leikmannahópi liðsins sem mætir Ajax á morgun í 32 liða úrslitum Evrópudeildarinnar. Manchester United tekur á móti Ajax í síðari leik liðanna en United stendur vel að vígi því þeir sigruðu fyrri leikinn í Hollandi, 2-0. Rooney er með sýkingu í hálsi  og óvíst er hversu lengi hann verður frá.

Eins og sport.is greindi frá fyrr í dag æfði Rooney ekki með liðsfélögum sínum í dag en var ekkert gefið út hvers vegna. Nú er það hinsvegar komið í ljós að það er sýking í hálsi sem að veldu því að þessi 26 ára gamli framherji er óleikfær næstu daga. Forráðamenn United vonast þó til þess að Rooney verði klár í slaginn gegn Norwich í ensku úrvalsdeildinni um helgina. Rooney átti þátt í öðru marki United í fyrri leiknum þegar að hann lagði það upp fyrir Javier Hernandez. “Rooney verður ekki með á morgun. Hann er slæmur í hálsinum” sagði Sir Alex Ferguson, stjóri United. “Hann var farinn að finna fyrir þessu í síðustu viku þegar við lékum gegn Ajax í Hollandi og hann eyddi helginni nánast allri í rúminu” bætti sá skoski við.

Rooney hefur verið að leika vel fyrir United á þessu tímabili en hann hefur þegar skorað 17 mörk í deildinni, í 25 leikjum. United mun koma til með að sakna hans í leiknum á morgun en geta huggað sig við það að svo lengi sem Ajax skora ekki meira en 1 mark fara United áfram. Það verður fróðlegt að sjá hverjum Sir Alex Ferguson mun stilla upp í framlínu liðsins í leiknum en hann á þar nokkra kosti. Margir reikna með því að það verði þeir Javier Hernandez og Danny Welbeck sem munu byrja leikinn frammi.

Leikur Manchester United og Ajax hefst klukkan 20.00 annað kvöld og verður í beinni útsendingu á Stöð 2 Sport.

María Guðmundsdóttir á ferðinni í svigi. Mynd. Guðmundur Jakobsson.

Skíðakonan María Guðmundsdóttir frá Akureyri sigraði með yfirburðum á FIS-móti í svigi sem haldið var í Voss í Noregi í dag. María var með besta tímann í bæði fyrri og seinni ferð og var þremur sekúndum á undan næsta keppanda á samanlögðum tíma. Alls hófu 43 konur keppni en 24 tókst að ljúka.

Erla Ásgeirsdóttir hafnaði í sjöunda sæti, Freydís Halla Einarsdóttir varð í níunda sæti, Erla Guðný Helgadóttir í tólfta sæti, Thelma Rut Jóhannsdóttir í sextánda sæti og Tinna Rut Hauksdóttir endaði í 22. sæti.

Í karlaflokki náði Brynjar Jökull Guðmundsson bestum árangri af íslensku keppendunum og hafnaði í sjöunda sæti.

Mynd: Nordic Photos

Fyrirliði enska félagsins Liverpool, Steven Gerrard, hlakkar mikið til viðureignar Liverpool og Cardiff í úrslitum enska deildarbikarsins á sunnudaginn. Mikil spenna ríkir fyrir leikinn, en flestir reikna þó með sigri Liverpool enda leika þeir einni deild ofar en Cardiff. Sex ár eru orðin síðan Liverpool vann síðast titil. Þeir sigruðu FA bikarkeppnina árið 2006 þegar þeir sigruðu West Ham United í úrslitaleik. Nú eru þeir í dauðafæri á að binda enda á titilþurrð félagsins. Leikur Liverpool og Cardiff fer fram á þjóðarleikvangi Englendinga, Wembley, á sunnudaginn. Hann verður í beinni útsendingu á Stöð 2 Sport. Hjá Cardiff leikur einn Íslendingur en það er hann Aron Einar Gunnarsson.

Steven Gerrard sagði í viðtali í dag að 6 ár án titils væri óásættanlegt hjá klúbbi eins og Liverpool og að leikmenn liðsins væru æstir í það að sanka að sér verðlaunum á næstu misserum. Liverpool tekur ekki þátt í Evrópukeppni eins og er og eru ansi fjarri því að vera í toppbaráttunni í deildinni. Þeir eru hinsvegar komnir í 8 liða úrslit FA bikarkeppninnar sem og úrslitaleik deildarbikarsins. “Við erum allir æstir í að koma félaginu á rétta braut aftur. Árangur er það sem við erum að vinna að. Þetta er mikilvægur bikar fyrir okkur en það eru aðrir bikarar í boði sem við munum reyna við” sagði Gerrard við heimasíðu félagsins. “Ef við vinnum á sunnudaginn er fullt af leikmönnum sem upplifa það í fyrsta skipti hvernig er að ganga um völlinn þegar stuðningsmennirnir eru brjálaðir úr gleði. Tilfinningin sem það framkallar veitir þér áráttu í að ná lengra og vinna meira” sagði Gerrard einnig, sem er greinilega einbeittur í að gera vel á sunnudag.

Leikur Liverpool og Cardiff hefst klukkan 16.00 á sunnudaginn og verður í beinni útsendingu á Stöð 2 Sport

Mynd: NordicPhotos

Rhein-Neckar Löwen, lið Guðmundar Þórðar Guðmundssonar, og Kiel, lið Alfreðs Gíslasonar, mætast í stórleik kvöldsins í þýsku úrvalsdeildinni í handknattleik. Kiel er í efsta sæti deildarinnar með 40 stig, en liðið hefur ekki enn tapað leik í vetur. Löwen situr í fimmta sæti með 29 stig og hefur verið á góðu skriði undanfarið og unnið fjóra leiki í röð. Línumaðurinn Róbert Gunnarsson er sem kunnugt er leikmaður Löwen og leikstjórnandinn Aron Pálmarsson er liðsmaður Kiel.

Þetta verður ekki eini Íslendingaslagurinn í kvöld því Wetzlar, lið Kára Kristjáns Kristjánssonar, sækir Fücshe Berlín heim en Dagur Sigurðsson þjálfar sem kunnugt er Berlínarliðið og landsliðsmaðurinn Alexander Petersson leikur með liðinu. Alexander hefur hins vegar lítið getað spreytt sig eftir áramótin vegna axlarmeiðsla. Berlín er í öðru sæti deildarinnar með 33 stig en Wetzlar í níunda sæti með átján stig.

Þýska úrvalsdeildin | Handknattleikur
Kl. 18:25 Kiel-Rhein-Neckar Löwen | Beint á Stöð 2 Sport 4
Kl. 19:15 Grosswallst.-Bergischer
Kl. 19:15 Wetzlar-Fücshe Berlin

Mynd: thorsport.is

Mateja Zver, knattspyrnukonan öfluga frá Slóveníu, verður ekki með liði Þórs/KA í sumar í Pepsi-deildinni. Þetta staðfesti Aðalsteinn Pálsson, formaður knattspyrnudeildar Þórs, í samtali við Sport.is. Þetta er mikil blóðtaka fyrir Þór/KA en Mateja hefur leikið með liðinu undanfarin fjögur sumur og verið einn besti leikmaður liðsins.

Norðanliðið hefur einnig misst fyrrum fyrirliða sinn, sóknarmanninn Rakel Hönnudóttur, frá félaginu en hún gekk í raðir Breiðabliks og því hefur Þór/KA misst tvo bestu sóknarmenn sína. Liðið hefur hins vegar bætt við sig þremur leikmönnum, þeim Katrínu Ásbjörnsdóttur landsliðskonu sem kom frá KR, Þórhildi Ólafsdóttur frá ÍBV og Chantel Nicole Jones, markvörður frá Bandaríkjunum.

Samkvæmt heimildum Sport.is er Þór/KA með erlenda leikmenn í sigtinu til þess að styrkja liðið fyrir komandi átök í Pepsi-deildinni.

Mögulega er Microsoft að skoða þann möguleika að vera með einskonar tónlistarveitu líkt og iTunes-lausnin frá Apple en í gegnum lausnina hjá Microsoft muni hugsanlega vera fleiri möguleikar í niðurhali, eins og t.d. að eiga tónlistina á drifinu hjá sér eða í símanum eða einfaldlega streyma hana niður hverju sinni.

Inn í þessa umræðu fléttast möguleiki á því að einhverskonar tónlistarsími sem keyrir á Windows Phone-stýrikerfinu verði kynntur í tengslum við þessa tónlistaruppstokkun og hefur Nokia verið nefnt þar sem mögulegur framleiðandi á slíkum síma. Hvort að frumkvæðið að Nokia-tónlistarsíma sem keyrir á Windows Phone sé komið frá Microsoft eða Nokia fylgir ekki fréttinni.

Talið er að tónlistarveitan yrði gerð aðgengileg um svipað leyti og Windows 8 fer í almenna sölu núna í haust þannig að Microsoft er greinilega að tjalda öllu til þegar það kemur að nýjasta útspili fyrirtækisins á stýrikerfismarkaðnum.

Frægt er þegar Microsoft ákvað að slaufa algjörlega Zune-tónlistarspilaranum sínum undir lok síðasta árs en þessi spilari hafði vakið takmarkaða athygli vestanhafs og náði aldrei því flugi sem honum var ætlað. Hinsvegar er Microsoft að binda miklar vonir við að nýta sér Windows Phone-stýrikerfið sem hið miðlæga forrit til þess að miðla tónlist yfir í símtæki enda eru fleiri og fleiri notendur farnir að nota símtækin sem sinn helsta tónlistarspilara.

Panasonic Eluga mun keyra á Android 2.3 en uppfærsla upp í Android 4.0 er væntanleg núna í sumar. Símtækið mun fara formlega í sölu núna í mars í Evrópu. Þessar upplýsingar koma heim og saman við það sem áður er komið fram um þennan síma og nú er bara spurning hvernig Panasonic ætlar að fylgja þessu símtæki eftir í nánustu framtíð.

Talið er einnig líklegt að til þess að síminn ráði við að taka upp myndskeið í FullHD (1080p) þá þurfi að vera til staðar tvíkjarna-örgjörvi og eru taldar því sterkar líkur á að svo muni vera.

Það vekur því spurningar um hvort að Nokia muni því um leið kynna til sögunnar Nokia Carla-útgáfuna af Symbian-stýrikerfinu en ekki hefur verið staðfest hvort Nokia Belle sé með stuðning við tvíkjarna örgjörva.

Hvort að þessar upplýsingar standist mun þó koma í ljós í næstu viku þegar MWC 2012 fer af stað í Barcelona og Tæknibloggið mun verða á staðnum til þess að flytja fregnir af því sem þar fer fram.

Mynd: Nordic Photos

Óvíst er hvort Wayne Rooney, framherji enska úrvalsdeildarliðsins Manchester United, verði með liðinu annað kvöld í seinni leik liðsins gegn Ajax í 32-liða úrslitum Evrópudeildarinnar í knattspyrnu. Rooney æfði ekki með liði sínu í dag en ekki eru komnar neinar skýringar ennþá um fjarveru hans.

Leikur United og Ajax fer fram á Old Trafford á morgun en United vann fyrri leikinn í Hollandi, 2-0, og því í góðri stöðu fyrir seinni leikinn.

Góð tíðindi bárust hins vegar af Brasilíumanninum Anderson, miðjumanni United, sem æfði með liðinu í dag í fyrsta sinn í langan tíma og gæti komið við sögu á morgun. Einnig sást til framherjans Michael Owens á æfingunni, en hann hefur verið frá vegna meiðsla síðan í nóvember. Owen er í endurhæfingu og eflaust einhver bið enn í að hann komi inn í liðið á ný.

Mynd: Hilmar Þór

Lars Lagerbäck, þjálfari A landsliðs karla, er að undirbúa lið sitt undir fyrsta leikinn undir hans stjórn, vináttuleik gegn Japan í Osaka 24. febrúar.  Liðið æfði á keppnisvellinum undir kvöld og fyrir æfinguna svaraði þjálfarinn örfáum spurningum ksi.is, áður en hann sat fyrir svörum hjá Japönskum fjölmiðlum.

 Aðspurður um markmiðin í leiknum hafði Lars þetta að segja:
“Þetta er auðvitað fyrsti leikurinn minn með liðið, fyrsti vináttuleikurinn. Ég vonast fyrst og fremst eftir góðri frammistöðu, en úrslit leiksins eru líka mikilvæg, þó þetta sé vináttuleikur er alltaf mikilvægt að reyna að ná góðum úrslitum, vonandi sigri. Ég vonast til að halda áfram með þá vinnu sem við byrjuðum á í æfingabúðunum á Íslandi í janúar, sjá hvernig leikmennirnir bregðast við því sem við höfum lagt upp með, sjá þá spila eins og við viljum að þeir spili. Allir leikmennirnir sem eru í þessum tveimur hópum, gegn Japan og Svartfjallalandi, eiga jafn mikinn möguleika í framtíðinni. Hér geta þeir sýnt hvers þeir eru megnugir. Þess vegna er frábært fyrir mig að geta skoðað hátt í 40 leikmenn, enda er það frekar óvenjulegt að vera með tvo algjörlega aðskilda hópa leikmanna í tvo vináttuleiki með svo stuttu millibili. Bæði liðin sem við erum að fara að spila við eru mjög sterk, sem er gott, því maður sér alltaf best úr hverju leikmenn eru gerðir þegar þeir lenda í erfiðum aðstæðum. Það var líka gott á vissan hátt að spila vináttuleiki þar sem langs ferðalags er krafist, því það reynir líka á leikmennina, álag utan vallar, þá sést líka hvernig menn höndla það álag og hvort það hafi áhrif á frammistöðu. Þessir tveir leikir eru flott tækifæri fyrir mig til að sjá skapgerð leikmanna.”

Hvað veit Lars um japanska liðið?
“Þeir munu bara nota leikmenn sem leika í Japan, þannig að þarna verða einhverjir leikmenn að spila sinn fyrsta landsleik. Mér skilst að annars væru milli 8 og 10 leikmenn í hópnum sem leika með félagsliðum utan japans. Japanska deildin er sterk. Þó að menn telji liðin ólík á velli og með ólíkan leikstíl, þá er í raun ekki mikill munur á leikaðferðum landslið í heiminum í dag. Það er kannski hægt að sjá ákveðinn mun á leikmönnum milli þjóða, Japanir eru kannski ekki stórir og sterkir líkamlega, en alveg gríðarlega vinnusamir og snöggir leikmenn, hlaupa mjög mikið.”

Lars hefur ekki ákveðið hvaða leikmaður muni bera fyrirliðabandið í leiknum við Japan, en málefni fyrirliða voru aðeins rædd á fundi liðsins í morgun og hafði þjálfarinn reyndi þetta að segja:
“Fyrirliði verður að njóta virðingar í leikmannahópnum, vera leiðtogi innan vallar sem utan. Inni á vellinum þarf hann að geta drifið leikmenn áfram. Hann þarf alltaf að sýna 100% fagmennsku, vera fyrirmynd annarra. Hann ætti jafnframt að vera andlit liðsins út á við og koma fram sem fulltrúi liðsins.”

Heimild: KSÍ

Mynd: Hilmar Þór

Eyjólfur Sverrisson, landsliðsþjálfari U21 árs karlaliðsins í knattspyrnu, hefur kallað Rúnar Már S. Sigurjónsson, leikmann Vals, inn í landsliðshópinn sem mætir Aserbaídsjan ytra í undankeppni Evrópumótsins í næstu viku, þann 29. febrúar.

Rúnar kemur inn í liðið í stað Eiðs Arons Sigurbjörnssonar, leikmann Örebro í Svíðþjóð, sem er meiddur.

Mynd: Karfan.is

Heil umferð fer fram í Iceland Express deild kvenna í körfuknattleik í kvöld en baráttan um sæti í úrslitakeppninni í vor fer harðnandi. Topplið Keflavíkur tekur á móti liði Hamars, nýkrýndir bikarmeistarar Njarðvíkur taka á móti KR, Haukar sækja Snæfell heim í Stykkishólm og Fjölnir og Valur mætast í borgarslag í Grafarvogi.

Keflavík hefur fjögurra stiga forystu í deildinni en má illa við að stíga feilspor í átt sinni að deildarmeistaratitlinum og þar með heimaleikjaréttinum út úrslitakeppnina. Hamar þarf að sama skapi á sigri að halda í botnbaráttunni en liðið situr í næstneðsta sæti deildarinnar.

Njarðvík er í öðru sæti deildarinnar og fylgir fast á hæla granna sína í Keflavík. Njarðvíkurliðið er komið langleiðina með að tryggja sæti sitt í úrslitakeppninni, en KR, sem situr í fjórða sætinu, er í harðri baráttu um að komast áfram.

Valur á enn möguleika á að komast í úrslitakeppnina en til þess að það takist þarf liðið að vinna alla sína leiki sem eftir eru og stóla á hagstæð úrslit. Fjölnir situr á botni deildarinnar og berst fyrir tilverurétti sínum í deildinni.

Það er mikið í húfi í Stykkishólmi í kvöld en bæði Snæfell og Haukar eru í harðri baráttu um að komast í úrslitakeppnina. Haukar eru í þriðja sæti deildarinnar en Snæfell í því fimmta og geta Hólmarar jafnað Hauka að stigum með sigri í kvöld.

Iceland Express deild kvenna | Körfuknattleikur
Kl. 19:15 Fjölnir-Valur | Dalhús
Kl. 19:15 Snæfell-Haukar | Stykkishólmur
Kl. 19:15 Njarðvík-KR | Ljónagryfjan
Kl. 19:15 Keflavík-Hamar | Toyotahöllin

Mynd: Nordic Photos

Argentíska ólíkindatólið Carlos Tevez, sem fyrir þremur vikum virtist vera í þann mund að yfirgefa herbúðir enska úrvalsdeildarliðsins Manchester City, hefur brotið odd af oflæti sínu og beðist afsökunar á framkomu sinni og meiningum síðustu misserin.  Tevez skreið út af sakramentinu á Etihad-vellinum í nóvember, en líklegt þykir að auðmýkt hans og undirlægni verði til þess að hann verði tekinn í sátt á ný.

Carlos Tevez er einn þeirra ungu manna sem hlaðnir eru hæfileikum, í þessu tilfelli á sviði knattspyrnunnar, en eru haldnir ranghugmyndum um það hvernig hlutirnir ganga fyrir sig og hlusta aukinheldur á heimskra manna ráð.  Hann hefur rekist illa í gegnum tíðina og virtist vera búinn að brenna allar brýr að baki sér hjá Manchester City þegar hann lenti upp á kant við knattspyrnustjórann Robert Mancini í nóvember.  Upp kom það sem Tevez sjálfur kallar misskilning í kringum innáskiptingu í Meistaradeildarleik gegn Bayern München og síðan hafa þeir varla talast við, Tevez rokið til Argentínu í leyfisleysi og orðið af 10 milljónum punda í formi launagreiðslna og bónusa og allt upp í loft.
Tevez virtist á leiðinni til Milan í janúar, var reyndar orðaður við bæði Inter og Paris St.Germain, en samningaviðræður milli Milan og City sigldu í strand.  Þar með sat Tevez fastur í Manchester og í raun ekki annað í stöðunni en að leita sátta.  Tevez er, merkilegt nokk í ljósi þess sem á undan er gengið, í 25 manna hópi Manchester City sem skráður er til leiks í ensku úrvalsdeildinnni, en hann á hins vegar ekki sæti í Evrópuhópnum.

“‘Ég vil biðja alla þá sem orðið hafa fyrir vonbrigðum vegna framkomu minnar innilegrar og skilyrðislausrar afsökunar,” segir Tevez m.a. í yfirlýsingu.  “Mig langar nú til að einbeita mér að því að spila fótbolta með Manchester City.”
Auk afsökunarbeiðninnar hefur Tevez horfið frá öllum áætlunum um að höfða mál á hendur forráðamönnum Man.City vegna brota á samningi.

Hermann Fannar Valgarðsson

Hinn alþjóðlegi og árlegi LUV dagur verður haldinn hátíðlegur í dag. Hermann Fannar Valgarðsson fæddist þennan dag árið 1980. Hermann var mikill FH-ingur og starfaði meðal annars í stjórn FH og var öflugur í félagsstarfi Hafnarfjarðarliðsins. Hermann féll frá á seinasta ári, langt um aldur fram, og minnast vinir hans og kunningjar kappans með því að halda hátíðlegan LUV daginn í dag.

Á LUV deginum leggja allir niður allar varnir. Faðmlög, ást og náungakærleikur ræður ríkjum. Faðmaðu nágrannann, vini þína, samstarfsmenn, fjölskylduna og alla sem á þínum vegi verða. Þetta er það sem LUV dagurinn snýst um.

Þess má geta að nafn dagsins, LUV-dagurinn, er komið af því að Hermann skrifaði jafnan undir alla tölvupósta sem hann sendi frá sér með undirskriftinni LUV.

Gleðilegan LUV-dag.

Jeremy Lin var til umfjöllunar í Sports Illustrated fyrir viku, enda “Linsanity” þá umtalað í meira lagi og óvíst hvort framhald yrði á, en þar sem pilturinn hefur haldið sínu striki og hreinlega umbylt umfjöllun og snarsnúið skoðunum manna og kvenna á óteljandi sviðum var blaðamönnum hins kunna fagtímarit ekki stætt á öðru en að fjalla nánar um málið.  Að þessu sinni er fjallað um hin gríðarlegu áhrif sem Öskubuskuævintýri hins hógværa leikstjórnanda hefur haft um allan heim.  Lin er því á forsíðunni aðra vikuna í röð, fyrstur íþróttagarpa í New York, en sami aðilinn hefur ekki verið á forsíðu Sports Illustrated tvær vikur í röð síðan Dirk Nowitski var heiðraður fyrir að leiða Dallas Mavericks til sigurs í NBA-deildinni í júní í fyrra.

Mynd: Nordic Photos

Íslenska karlalandsliðið í handknattleik verður í efsta styrkleikaflokki þegar dregið verður í riðla fyrir undankeppni Evrópumótsins 2014, sem haldið verður í Danmörku. Dregið verður föstudaginn 20. apríl nk. Eins og Sport.is greindi frá fyrir helgi er Ísland í fimmta sæti á nýjum styrkleikalista Handknattleikssambands Evrópu, EHF, en þjóðirnar í öðru til áttunda sæti listans verða í efsta styrkleikaflokki í drættinum.

Sem gestgjafar sleppa Danir við þátttöku í undankeppninni, sem hefst næsta haust og lýkur í júní á næsta ári.

Mynd: NordicPhotos

Nýji Ólympíuleikvangurinn í Lundúnum stenst ekki kröfur sem enska úrvalsdeildin gerir til leikvanga í deildinni samkvæmt frétt Associated Press í gær. Grasið undir vellinum er ekki upphitað og því þarf að rífa það allt upp og leggja hitakerfi í völlinn eigi hann að vera nothæfur undir knattspyrnuleiki.

Ljóst er að kostnaðurinn við þetta mun falla á breska skattborgara sökum þess að völlurinn verður ekki seldur eða leigður til félags í ensku úrvalsdeildinni heldur verður hann leigður út til einstakra tilefna líkt og Wembley leikvangurinn. West Ham United var tilbúið til að taka reikninginn, sem hljóðar upp á tvær milljónir punda, á sig en ljóst er orðið að félagið fær völlinn ekki til umráða eftir að slitnaði upp úr samningum í fyrra af lagalegum ástæðum.

“Vandamálið er að völlurinn var aldrei hannaður með knattspyrnu í huga. Þetta er niðurstaða mjög slakrar skipulagningar áður en OPLC (Olympic Park Legacy Company) tók við stjórnun svæðisins. Félagið hefur fengið mikið skipulagsklúður upp í hendurnar og þarf núna að reyna að leysa úr því.” sagði Andrew Boff starfsmaður skrifstofu borgarstjórans.

Þörfin fyrir vallarupphitun kom bersýnilega í ljós á dögunum þegar fresti þurfti rugby leik Frakklands og Írlands á Stade du France vegna þess að þar er völlurinn ekki upphitaður. Í reglum ensku úrvalsdeildarinnar segir að knattspyrnuvellir liða í deildinni þurfi að vera búnir slíku kerfi eða sambærilegri lausn sem stjórn deildarinnar leggur blessun sína yfir. Þá er orðið ljóst að hlaupabrautin fer ekki fyrr en í fyrsta lagið eftir heimsmeistaramótið í frjálsum íþróttum árið 2017. 35 milljónir punda hafa nú þegar verið eyrnamerktar til breytinga á vellinum eftir Ólympíuleikana en þá er áformað að fækka sætum á vellinum úr 80 þúsund í 60 þúsund.

“Allur þessi aukakostnaður mun falla á breska skattborgara. Það þarf að stækka þakið svo það nái yfir fleiri áhorfendasæti og bæta við VIP klefum auk upphitunarkerfisins. Þetta er algjört klúður, völlurinn var byggður með frjálsar íþróttir í huga en það á að reyna að breyta honum í knattspyrnuvöll. Ég get ekki ímyndað mér að félög í ensku úrvalsdeildinni vilji komast að á honum. Þau hljóta að vilja völl sem er hannaður með knattspyrnu í huga. Félag í ensku úrvalsdeildinni gæti aldrei plumað sig á vellinum í núverandi ástandi.” sagði Boff að lokum.

Mynd: Nordic Photos

Ellefu leikir voru á dagskrá í NHL deildinni í íshokkí í nótt. Detroit Red Wings, sem hafa verið á blússandi siglingu upp á síðkastið, beið lægri hlut fyrir Chicago Blackhawks, 2-1. Fyrir leikinn höfðu Red Wings sigrað 6 leiki í röð en leikmenn Chicago stöðvuðu sigurgöngu þeirra. Þetta var fjórði sigurleiku Blackhawks í röð og virðast þeir vera að ná sér aftur á skrið eftir slakt gengi að undanförnu. Corey Crawford var frábær í marki Blackhawks og Marcus Kruger reyndist Blackhawks dýrmætur en hann skoraði sigurmark liðsins í 3. leikhluta.

Steven Stamkos skoraði sitt 42. mark í vetur þegar hann setti tvö í sigri Tampa Bay Lightning á Anaheim Dukcs. Leikurinn endaði 3-2. Stamkos hefur verið frábær í vetur og er það vonandi fyrir hann að Tampa nái að vinna sér sæti í úrslitakeppninni. Nú sitja þeir í 11. sæti austurdeildar, 3 sætum frá sæti í úrslitakeppni. Anaheim Ducks sitja hinsvegar í 13. sæti vesturdeildar.

Jaromir Jagr reyndist hetja Philadelphia Flyers þegar að þeir gerðu góða ferð til Kanada og sigruðu Winnipeg Jets í framlenginu. Jagr, sem varð fertugur þann 15. febrúar síðastliðin, virðist enn í fullu fjöri og gæti hann reynst liði Philadelphia mikilvægur þegar í úrslitakeppnina er komið. Hann skoraði sigurmark Flyers í framlengingu, leikurinn endaði 5-4. Flyers eru í 5. sæti austurdeildar en nýliðar Winnipeg Jets eru í 9. sæti sömu deildar.

Þá tapaði efsta lið austurdeildar, New York Rangers, nokkuð óvænt fyrir Pittsburgh Penguins, 2-0. Marc-Andre Fleury var frábær í marki Penguins og varði öll þau skot sem á hann komu og Evgeni Malkin var einnig góður fyrir Penguins, hann skorað 1 og gaf eina stoðsendingu.

Úrslit gærkvöldsins:

Buffalo Sabres 2-1 New York Islanders
Toronto Maple Leafs 3-4 New Jersey Devils
Pittsburgh Penguins 2-0 New York Rangers
Columbus Blue Jackets 6-3 San Jose Sharks
Winnipeg Jets 4-5 Philadelphia Flyers
Montréal Canadiens 0-3 Dallas Stars
Tampa Bay Lightning 3-2 Anaheim Ducks
Nashville Predators 3-1 Vancouver Canukcs
Chicago Blackhawks 2-1 Detroit Red Wings
Calgary Flames 1-6 Edmonton Oilers
Phoenix Coyotes 5-4 Los Angeles Kings

Mynd: NordicPhotos

Dwayne Wade skoraði 30 stig og gaf tíu stoðsendingar er Miami Heat vann sinn sjöunda leik í röð í NBA deildinni í körfuknattleik í nótt, en liðið skellti þá Sacramento Kings, 120-108, á heimavelli. Chris Bosh og Mario Chalmers skoruðu 20 stig hvor fyrir Miami og LeBron James átján stig. Hjá Sacramento skoraði Tyreke Evans mest eða 21 stig. Alls fóru fimm leikir fram í deildinni í nótt þar sem Portland burstaði m.a. lið San Antonio Spurs.

LaMarcus Aldrigde skoraði 21 stig fyrir Portland og Jamal Crawford 20 stig í 137-97 sigri liðsins gegn San Antonio. Þar með lauk ellefu leikja sigurgöngu Spurs. Þrjá sterka leikmenn vantaði í lið Spurs, þá Tim Duncan, Tony Parker og Manu Ginobili, og greinilegt að liðið saknaði þeirra sárt í leiknum. Kawhi Leonard var stigahæstur í liði Spurs en hann skoraði 24 stig.

Úrslitin í nótt:
Cleveland 101-100 Detroit
Indiana 117-108 New Orleans
Miami 120-108 Sacramento
Portland 137-97 SA Spurs
Memphis 89-76 Philadelphia

Mynd: NordicPhotos

Litli Mexíkóinn, Javier Hernandez, sem leikur hjá Manchester United í ensku úrvalsdeildinni tekur þeim tíðindum fagnandi að honum sé líkt við fyrrum leikmann United, Ole Gunnar Solskjær. Solskjær er löngu orðinn goðsögn hjá klúbbnum og eru jafnvel uppi sögusagnir um það að hann muni taka við af Sir Alex Ferguson sem stjóri liðsins þegar sá gamli hættir. Solskjær var afar vinsæll leikmaður af stuðningsmönnum liðsins enda alltaf skæl brosandi og skoraði mörg mikilvæg mörg fyrir klúbbinn, oftar en ekki eftir að hafa komið inná sem varamaður. Nú hefur Hernandez skorað 10 mörk í þeim 30 leikjum sem hann hefur komið inná sem varamaður og oftar en ekki tryggt United stigin þrjú sem í boði eru í hverjum leik.

Hernandez er næst markahæsti varamaðurinn í sögu United en Solskjær er á toppnum. Solskjær skoraði 28 mörk fyrir félagið, eftir að hafa komið inná sem varamaður. Það mikilvægasta var sennilega í úrslitaleik meistaradeildarinnar árið 1999 þegar hann skoraði gegn Bayern München, eftir að hafa komið inná sem varamaður. United vann leikinn 2-1. Hernandez hefur skorað 29 mörk fyrir United  og af þeim hafa 10 komið eftir að drengurinn byrjaði á bekknum. Þar af leiðandi hefur drengunum verið líkt við Norðmanninn, Ole Gunnar Solskjær. Hernandez er, þrátt fyrir að hafa ekki unnið sér fast sæti í byrjunarliði United, hæstánægður með lífið í Manchester-borg:  ”Sérhver leikmaður, í hvaða liði sem er, vill spila eins mikið og hann getur. Mér er samt alveg sama þó að ég byrji á bekknum. Mig langar bara að njóta þess að spila og ég er að upplifa draum minn að spila fyrir Manchester United” sagði Hernandez.

Hernandez er 23 ára gamall og er á sínu 2. tímabili hjá Englandsmeisturnunm. Hann hefur, þrátt fyrir ungan aldur, leikið 33 landsleiki fyrir Mexíkó og skorað 23 mörk í þeim.

Mynd: Nordic Photos

Sextán liða úrslitin í Meistaradeild Evrópu í knattspyrnu halda áfram í kvöld með tveimur leikjum. FC Basel frá Sviss tekur á móti þýska stórliðinu Bayern Munchen og franska liðið Marseille fær ítölsku risana í Inter Milan í heimsókn, en þetta eru fyrri leikir liðanna.

Basel komst óvænt áfram upp úr riðlakeppninni en liðið var m.a. með Englandsmeisturum Manchester United í riðli, sem sat eftir með sárt ennið. Bayern vann sinn riðil og er til alls líklegt í keppninni.

Starf Claudio Ranieri sem knattspyrnustjóri Inter gæti verið undir í kvöld er liðið sækir Marseille heim, en verulega er farið að hitna undir ítalska þjálfaranum eftir slakt gengi liðsins í Seria A á Ítalíu. Inter hefur tapað fimm af síðustu sex leikjum sínum. Marseille gerði fína hluti í riðlakeppninni þar sem liðið endaði í öðru sæti síns riðils með tíu stig. Liðið er í fjórða sæti frönsku úrvalsdeildarinnar og gæti veitt Inter harða keppni í kvöld á heimavelli.

Meistaradeild Evrópu | Knattspyrna
Kl. 19:45 FC Basel-Bayern München | Beint á Stöð 2 Sport
Kl. 19:45 Marseille-Inter | Beint á Stöð 2 Sport 3

Mynd: NordicPhotos

Tógó-maðurinn Emmanuel Adebayor, leikmaður enska úrvalsdeildarliðsins Tottenham Hotspur, er vongóður um að hann verði orðinn leikfær fyrir leikinn gegn sínum gamla félagi Arsenal um helgina.

Adebayor varð fyrir hnémeiðslum á æfingu um helginaog því var þátttaka hans í leiknum gegn Arsenal á Emirates í vafa. Hann tók hins vegar fullan þátt á æfingu liðsins í gær og fann ekki fyrir neinum eymslum eftir hana.

“Var að klára æfingu og er mjög ánægður með stöðu mála, hnéð lítur mikið betur út. Held áfram að vinna í því að verða klár fyrir leikinn á sunnudaginn.” sagði Adebayor á Twitter-síðu sinni í gær.

Þá mun Rafael van der Vaart æfa í dag eftir að hafa misst af síðustu þremur leikjum liðsins vegna kálfameiðsla og því ættu þeir báðir að verða orðnir leikfærir á sunnudaginn sem eru geysilega góðar fréttir fyrir Harry Redknapp knattspyrnustjóra liðsins. Tottenham situr í þriðja sæti ensku úrvalsdeildarinnar með 53 stig, tíu stigum á undan Arsenal sem er í fjórða sætinu með betra markahlutfall en grannar þeirra í Chelsea sem eru í því fimmta.

Mynd: Eyjafréttir

Danski framherjinn, Christian Olsen, er sagður ætla að skrifa undir samning hjá knattspyrnuliði ÍBV í næstu viku og leika með liðinu í Pepsi-deild karla í sumar. Þetta er fullyrt á dönsku vefsíðunni Bold.dk. Olsen var til reynslu hjá Eyjaliðinu á dögunum og lék m.a. með liðinu á Fótbolta.net mótinu og þótti standa sig vel.

Olsen er 28 ára gamall og hefur leikið með dönsku liðinum FC Mydtjylland og Viborg FF, en lék síðast með Skive IK.

Fari svo að Olsen gangi í raðir Eyjaliðsins mun félagið tefla fram tveimur dönskum leikmönnum í sumar, en fyrir hjá liðinu er varnarmaðurinn Rasmus Christiansen.

Mynd: Mercedes

Þýski ökuþórinn Michael Schumacher segist vera afar ánægður með nýja Mercedes AMG Petronas Formúlu 1 bílinn sem afhjúpaður var á Catalunya-brautinni á Spáni í gær. Eftir afhjúpunina fóru Schumacher og liðsfélagi hans Nico Rosberg í reynsluakstur og líkaði þeim breytingarnar mjög vel.

“Mín fyrsta reynsla af nýja bílnum var mjög góð. Ég er ánægður með þær breytingar sem við höfum unnið að undanfarið en vegna reglubreytinga á allt eftir að koma betur í ljós. Okkur hefur samt klárlega tekist að bæta bílinn og hafa allir lagt mjög hart að sér við að bæta bílinn frá síðasta keppnistímabili.” sagði Schumacher við fjölmiðla eftir reynsluaksturinn.

“Loftflæðið í gegnum bílinn lítur mjög vel út þannig ég hef ekki miklar áhyggjur af lögun framvængsins. Við áttum við ákveðið vandamál að stríða með vökvakerfið í dag en ég er ánægður með hvað við höfum komið mörgum kílómetrum á bílinn.” bætti sjöfaldi heimsmeistarinn við.

Formúlu 1 tímabilið hefst 18.mars næstkomandi en fyrsta keppni ársins verður haldin í Melbourne í Ástralíu þar sem Þjóðverjinn Sebastian Vettel hefur titilvörn sína.

Mynd: NordicPhotos

Í leik Stoke City og Crawley Town í ensku FA bikarkeppninni fékk leikmaður Stoke, Rory Delap, að líta rauða spjaldið í fyrri hálfleik. Spjaldið fékk hann fyrir harkalega tæklingu á leikmann Crawley en það þótti afar strangur dómur. Bæði leikmenn Stoke og Tony Pulis, stjóri þeirra, voru afar ósáttir við dóminn en það kom þó ekki að sök því að Stoke vann leikinn 2-0 og heldur áfram í 8 liða úrslit keppninnar.

Stoke ákvað því strax að áfrýja spjaldinu og vann það mál. Þetta tilkynnti enska knattspyrnusambandið í gær. Delap hefði farið í 3 leikja bann hefði hann tapað áfrýjunninni. “Leikmaður Stoke City, Rory Delap, hefur fengið grun sinn um ósanngjart rautt spjald staðfestan. Þar af leiðandi er þriggja leikja bannið sem hann hlaut strokað út, þetta tekur gildi strax” segir í tilkynningu FA um málið. Þetta eru góð tíðindi fyrir Stoke sem sitja í 13. sæti ensku úrvalsdeildarinnar með 30 stig, aðeins 9 stigum frá Liverpool sem sitja í 7. sæti.

Lansbury tókst að halda hreinu gegn Blackpool í kvöld

Sérkennileg staða kom upp hjá West Ham United í kvöld þegar liðið heimsótti Blackpool á Bloomfield Road. Robert Green markvörður West Ham fékk að líta rauða spjaldið snemma í síðari hálfleik en liðið var ekki með varamarkvörð á bekknum. Þá voru góð ráð dýr hjá Sam Allardyce en hann tók Julien Faubert útaf og setti Henri Lansbury, lánsmann frá Arsenal, í markmannstreyjuna.

Skemmst er frá því að segja að Lansbury tókst að halda markinu hreinu frá því hann kom inn á á 54.mínútu og West Ham vann leikinn 4-1. Hamrarnir innbyrtu því þrjú gríðarlega mikilvæg stig í baráttunni um sæti í ensku úrvalsdeildinni. West Ham er í öðru sæti Championship-deildarinnar með 57 stig, tveimur stigum á eftir toppliði Southampton. Blackpool er í fimmta sæti deildarinnar með 52 stig.

Úrslit kvöldsins:

Blackpool 1 – 4 West Ham
0-1 Tomkins 28.mín
0-2 Maynard 32.mín
1-2 K. Phillips 45.mín
1-3 O’Neill 74.mín
1-4 Vaz Te 90.mín

Barnsley 1 – 3 Birmingham City
0-1 Edwards (sm) 8.mín
1-1 Davies 19.mín
1-2 Fahey 27.mín
1-3 Redmond 78.mín

Millwall 1 – 3 Middlesbrough
0-1 Emnes 15.mín
0-2 Emnes 38.mín
1-2 Henderson 43.mín
1-3 Main 83.mín

Mynd: NordicPhotos

Ezequiel Lavezzi skoraði tvívegis þegar Napoli bar 3-1 sigurorð af Chelsea í 16-liða úrslitum Meistaradeildar Evrópu í kvöld. Gestirnir komust yfir með marki Juan Mata á 27.mínútu en tvö mörk heimamanna fyrir hálfleik snéri leiknum þeim í hag. Lavezzi innsiglaði svo sigurinn á 65.mínútu eftir slakan varnarleik David Luiz. Liðin mætast að nýju á Stamford Bridge eftir þrjár vikur.

Napoli 3 – 1 Chelsea (2-1)
0-1 Mata 27.mín
1-1 Lavezzi 38.mín
2-1 Cavani 45.mín
3-1 Lavezzi 65.mín

Leikur liðanna í Napoli í kvöld var  bæði opinn og mjög skemmtilegur. Heimamenn byrjuðu betur og tókst að skapa sér tvö mjög góð færi til að komast yfir. Það voru hins vegar gestirnir frá Lundúnum sem skoruðu fyrsta markið en það kom eftir slæm varnarmistök í vörn Napoli. Paolo Cannavaro, fyrirliði Napoli, hitti ekki boltann þegar hann ætlaði að hreinsa boltann úr vítateignum. Ekki vildi betur til en að boltinn hafnaði fyrir framan Juan Mata sem afgreiddi boltann snyrtilega innanfótar í markið. Gestirnir því komnir með hið alræmda útivallarmark. Heimamenn í Napoli höfðu þó ekki lagt árar í bát því Ezequiel Lavezzi jafnaði leikinn sjö mínútum fyrir lok fyrri hálfleiks með hnitmiðuðu skoti fyrir utan teig sem Petr Cech réð ekki við. Heimamenn voru ekki hættir því Edison Cavani kom Napoli yfir í uppbótartíma í fyrri hálfleik. Lavezzi gaf góða fyrirgjöf fyrir markið frá hægri þar sem Cavani var mættur og setti boltann í markið með öxlinni eftir harða baráttu við Branislav Ivanovic. Staðan 2-1 í hálfleik fyrir heimamenn og allt gjörsamlega vitlaust á vellinum.

Heimamenn létu kné fylgja kviði í síðari hálfleik og skoraði Ezequiel Lavezzi sitt annað mark í leiknum á 65.mínútu eftir slæm mistök David Luiz í vörninni. Luiz missti Edison Cavani klaufalega fram hjá sér og gaf hann boltann til hliðar á Lavezzi sem var einn á auðum sjó og skoraði í tómt markið en Petr Cech var kominn út úr markinu og kom engum vörnum við. Napoli var nálægt því að skora fjórða markið og gera út um viðureignina tíu mínútum fyrir leikslok þegar Lavezzi var nálægt því að fullkomna þrennuna en Ashley Cole bjargaði á línu. Lokastaðan 3-1 fyrir Napoli sem fer með gott veganesti á Stamford Bridge þar sem liðin mætast eftir þrjár vikur.

Napoli: De Sanctis, Arnica, Campagnaro, Cannavaro (c), Maggio, Hamšík, Zúńiga, Gargano, Inler, Cavani, Lavezzi.
Varamenn: Rosati, Grava, Dossena, Dzemaili, Fernandez, Pandev, Britos.

Chelsea: Cech, Ivanović, Luiz, Cahill, Bosingwa, Ramires, Meireles, Malouda, Mata, Drogba, Sturridge
Varamenn: Turnbull, Cole, Essien, Mikel, Lampard, Kalou, Torres.

Myndir: NordicPhotos

Mynd: NordicPhotos

Daniel Sturridge og Didier Drogba verða í framlínu Chelsea þegar liðið heimsækir Napoli í 16-liða úrslitum Meistaradeildar Evrópu í kvöld. John Terry er ekki í leikmannahópi Chelsea en hann er meiddur á hné og þarf að fara í aðgerð. Talsverða athygli vekur að reynslumiklir menn á borð við Frank Lampard, Mikael Essien og Ashley Cole eru á varamennbekk enska félagsins í kvöld.

Napoli teflir fram mjög sterkur liði með þríeykið Marek Hamsik, Edison Cavanni og Ezequiel Lavezzi í fremstu víglínu. Ítalska félagið sýndi það og sannaði í riðlakeppninni að það ber ekki að vanmeta og til marks um það komst Manchester City ekki upp úr riðlinum.

Leikur liðanna hefst kl. 19.45 og er í beinni útsendingu á Stöð 2 Sport og HD.

Napoli: De Sanctis, Arnica, Campagnaro, Cannavaro (c), Maggio, Hamšík, Zúńiga, Gargano, Inler, Cavani, Lavezzi.
Varamenn: Rosati, Grava, Dossena, Dzemaili, Fernandez, Pandev, Britos.

Chelsea: Cech, Ivanović, Luiz, Cahill, Bosingwa, Ramires, Meireles, Malouda, Mata, Drogba, Sturridge
Varamenn: Turnbull, Cole, Essien, Mikel, Lampard, Kalou, Torres.

Ronaldo fagnar marki sínu í dag með liðsfélögum sínum. Mynd: NordicPhotos.

Real Madrid og CSKA Moskva gerð ótrúlegt 1-1 jafntefli í fyrri leik liðanna í 16-liða úrslitum Meistaradeildar Evrópu í knattspyrnu í dag, en leikið var í Rússlandi. Cristiano Ronaldo kom Madrid yfir eftir tæplega hálftíma leik með fínu skoti innan teigs. Það virtist ætla að duga Real en Pontus Wernbloom jafnaði metin fyrir heimamenn í uppbótartíma.

Það er því allt opið fyrir seinni leik liðanna sem fram fer á heimavelli Real á Spáni, þann 14. mars.

CSKA Moscow 1-1 Real Madrid (0-1)
0-1 C. Ronaldo 28. mín.
1-1 P. Wernbloom 90. mín.

Mynd: IFK Gautaborg

Knattspyrnumaðurinn Theodór Elmar Bjarnason fékk slæmar fréttir í dag þegar kom í ljós að hann verður frá keppni næstu 6-8 mánuðina eftir að hafa slitið krossband og innra liðband í hné í æfingaleik með danska félaginu Randers um helgina.

Theodór Elmar hefur undanfarin ár verið á mála hjá sænska félaginu IFK Gautaborg en samdi á dögunum við B-deildarlið Randers. Félagið er með háleit markmið um að komast að nýju upp í dönsku úrvalsdeildina og var Theodór Elmar t.a.m fenginn til liðsins til að hjálpa því að ná því markmiði. Hann var valinn í íslenska landsliðshópinn sem mætir Japan á föstudaginn og hefur því þurft að draga sig út úr liðinu. Halldór Orri Björnsson, leikmaður Stjörnunnar, kemur inn í leikmannahópinn í hans stað.

Ekki er orðið ljóst hvenær Theodór Elmar fer í aðgerð vegna meiðslanna en hann þarf að ganga í gegnum talsverða endurhæfingu áður en hann getur farið í þá aðgerð. Theodór Elmar hóf meistaraflokksferil sinn með KR árið 2003 áður en hann gekk til liðs við skoska félagið Celtic þar sem hann dvaldi um fjögurra ára skeið. Hann var síðan um tíma hjá Lyn í Noregi áður en hann gekk til liðs við IFK Gautaborg árið 2009.

Terry á æfingu með Chelsea í gærkvöldi

John Terry, fyrirliði enska úrvalsdeildarfélagsins Chelsea, verður ekki í leikmannahópi þess þegar liðið heimsækir Napoli í 16-liða úrslitum Meistaradeildar Evrópu í kvöld. Terry æfði með Chelsea á Ítalíu í gær en í morgun kom í ljós að hann þarf að fara í hnéaðgerð og verður að öllum líkindum frá næstu sex vikurnar.

Aðgerðin er ekki stórvægileg en meiðslin hafa verið að angra hann frá því hann rakst á markstöngina í leik gegn Portsmouth í ensku bikarkeppninni í síðasta mánuði. Hann mun því einnig missa af landsleik Englendinga gegn Hollendingum á Wembley í næstu viku.

David Luiz og Gary Cahill munu því að öllum líkindum skipa miðvarðarpar Chelsea í Napoli í kvöld en þetta verða að teljast mjög slæm tíðindi fyrir Andre Villas-Boas, knattspyrnustjóra félagsins, sem hefur þurft að sitja undir mikilli gagnrýni undanfarið en Chelsea er um þessar mundir í fimmta sæti ensku úrvalsdeildarinnar.

Leikur Napoli og Chelsea í 16-liða úrslitum Meistaradeildar Evrópu hefst kl. 19.45 í kvöld og er í beinni útsendingu á Stöð 2 Sport og HD. Sérstök upphitun með Þorsteini Joð og gestum hans hefst kl. 19.00.

Mynd: NordicPhotos

Robert Griffin III er einn af efnilegustu leikmönnum sem komið hafa upp úr háskólaboltanum í Bandaríkjunum í fjölmörg ár en hann hreppti hinn eftirsótta Heisman bikar fyrir frábæra frammistöðu á þessari leiktíð. Griffin er leikstjórnandi Baylor háskólans og berst hann nú við Andrew Luck, leikstjórnanda Stanford háskólans, um að verða valinn fyrstur til liðs í NFL-deildinni þegar nýliðavalið fer fram í vor.

Baylor er hvergi banginn og segist hann ætla að heilla forráðamenn félaganna upp úr skónum í viðtölum fyrir nýliðavalið.

“Ég hlakka til að heilla þá í viðtölum. Ég ætla að sannfæra þá um að sóknarleikurinn sem við höfum spilað í vetur sé ekki eins einfaldur og margir vilja meina. Ég er ekki sammála því að ég hafi einfaldlega sprottið fram á sjónarsviðið á þessu tímabili og fólk viti lítið um mig. Nú fæ ég tækifæri til að koma mér á framfæri.” sagði Griffin við Associated Press fréttastofuna.

“Við viljum báðir vera bestir og viljum báðir vera valdir fyrstir í nýliðavalinu.” bætti Griffin við aðspurður um keppinaut sinn Andrew Luck.

Hér að neðan má sjá brot af því besta sem Robert Griffin III sýndi á leiktímabilinu í bandaríska háskólaboltanum.

Mynd: NordicPhotos

Englandsmeistarar Manchester United hafa tilkynnt að hagnaður félagsins hafi aukist um 18.5 milljónir punda á milli áranna 2010 og 2011. Félagið sem er í harðri baráttu við granna sína í Manchester City um Englandsmeistaratitilinn sendi frá sér afkomuskýrslu fyrir fjórða ársfjórðung 2011 í dag.

Í árslok 2011 stóðu heildartekjur félagsins í 175 milljónum punda og höfðu hækkað úr 156.5 milljónum frá árinu 2010. Vallartekjur félagsins jókust úr 52.4 milljónum í 54.5 milljónir, sjónvarpstekjur hækkuðu úr 53.7 milljónum í 60.9 milljónir og auglýsingatekjur hækkuðu úr 50.4 milljónum í 58.6 milljónir.

Glazer-fjölskyldan keypti Manchester United árið 2005 og hefur hún mikið verið gagnrýnd fyrir að hafa steypt félaginu í miklar skuldir. Í lok árs 2010 skuldaði félagið 508 milljónir punda en þær skuldir hafa nú lækkað í 439 milljónir. Þetta skýrist einkum af því að félagið hefur keypt til baka hluta þeirra skuldabréfa sem gefin voru út vegna endurfjármögnunar félagsins í upphafi árs 2010.

Ljóst er að félagið mun þó verða af talsverðum tekjum vegna þess að liðinu mistókst að komast í 16-liða úrslit Meistaradeildar Evrópu og leikur þess í stað í Evrópudeildinni eftir áramót.

Mynd: NordicPhotos

Einn af markvörðum Manchester United í ensku úrvalsdeildinni, Tomasz Kuszczak, er genginn til liðs við 1. deildarlið Watford. Um lánssamning er að ræða sem gildir til loka þessa tímabils. Kuszczak hefur verið í herbúðum Rauðu Djöflana í rúmlega 5 ár en lítið fengið að spreyta sig sem aðal markvörður liðsins. Kom það mörgum á óvart þegar að Ben Amos spilaði leik fyrir United á þessu tímabili, gegn Stoke City,  þegar að markverðir númer 1 og 2, David De Gea og Anders Lindergaard voru báðir fjarri góðu gamni. Það ýtti enn undir sögusagnirnar að þessi fyrrum pólski landsliðsmarkvörður væri á leið frá félaginu.

Nú er það orðið að veruleika og mun hann koma til með að hjálpa Watford í fallbaráttunni í 1. deildinni á Englandi. Kuszczak, sem er 29 ára gamall, hefur aðeins komið við sögu í 32 leikjum hjá Manchester United á þeim 5 árum sem hann hefur verið í herbúðum félagsins. Hann hóf atvinnumannaferil sinn hjá Hertha Berlin í þýskalandi en gekk til liðs við West Bromwich Albion árið 2004. Þaðan var hann keyptur til United árið 2006. Kuszczak hefur leikið 10 landsleiki fyrir pólska landsliðið en er nú aftarlega á merinni í goggunarröð Franciszek Smuda, landsliðsþjálfara Póllands. Á undan honum eru t.a.m. báðir markverðir Arsenal, þeir Wojciech Szczęsny og Lukazs Fabianski.

Þetta er ekki í fyrsta skipti sem að Sir Alex Ferguson, stjóri Manchester United, lánar Watford markvörð en Ben Foster, fyrrum markvörður United,  var tvö tímabil á láni hjá félaginu, á árunum 2005-2007.

Mynd: NordicPhotos

Senegalinn Demba Ba hefur slegið í gegn hjá Newcastle United í ensku úrvalsdeildinni í vetur. Ba, sem er 26 ára gamall, kom til Newcastle síðasta sumar frá West Ham eftir að liðið féll úr úrvalsdeildinni. Hann hefur skorað 16 mörk í deildinni í vetur og hefur hann vakið áhuga margra stærri liða.

Sögusagnir um klásúlu í samningi leikmannsins komu upp í janúarglugganum og var hann orðaður við fjölmörg félög. Fastlega er gert ráð fyrir því að fjölmörg félög muni bera vígjurnar í kappann í sumar en David Sullivan, eigandi West Ham, hefur opinberað að hann geti yfir gefið félagið fyrir einungis 7 milljónir punda. Hann segir einnig að Newcastle fengið ekki nema helming upphæðarinnar en hinn helmingurinn færi til leikmannsins sjálfs.

“Þeir halda áfram að neita þessu en í sumar held ég að hann muni yfirgefa Newcastle nema hann fái svakalega launahækkun. Mér er sagt að upphæðin sem þarf til að losa hann frá félaginu sé aðeins 7 milljónir punda og að hann fái helminginn af þeirri upphæð sjálfur. Ef þeir selja hann fyrir 7 milljónir ounda fá þeir aðeins um þrjár milljónir vegna þess að þeir borguðu umboðsmanninum hans 2 milljónir fyrir að koma honum frá West Ham.” sagði Sullivan.

Mynd: Nordic Photos

AG Köbenhavn sigraði leikinn gegn Montpellier um helginga í 9. umferð Meistaradeildar Evrópu í Frakklandi fyrir framan 9000 áhorfendur Montpellier. Leikstjórnandinn og varnartröllið Joachim Boldsen sagði eftir leikinn að þetta væri stærsti sigur félagsins hingað til, sem mætir Kiel á sunnudaginn í leik sem sker úr hvort liðið hirði 1. sæti D-riðilsins.

“Montpellier er lið sem er með heimsklassa leikmann í hverri stöðu og það eru ekki mörg lið sem fara á heimavöll þeirra og sækja stig, hvað þá tvö. Við stjórnuðum leiknum frá byrjun til enda og ég er ekki í vafa um að þetta sé stærsti sigur og besta frammistaða félagsins frá upphafi.”

“Við óttuðumst aldrei að tapa leiknum niður. Þetta var frábær frammistaða sem við ætlum að taka með okkur í stórleikinn næstu helgi, þar sem fyrsta sæti riðilsins er að veði,” sagði Boldsen, einn reynslumesti leikmaður AGK.

Mynd: AGK

Hér að neðan má sjá top tíu listann yfir markahæstu leikmenn Meistaradeildar Evrópu er ein umferð er eftir af riðlakeppninni. Einn Íslendingur er inni á listanum, en það er markamaskínan Guðjón Valur Sigurðsson.

1. Frantisek Sulc (Pick Szeged) – 65 mörk

2. Mikkel Hansen (AG København) – 62 mörk

3. Zlatko Horvat (Croatia Zagreb) – 61 mark

4. Kiril Lazarov (Atletico Madrid) – 59 mörk

5. Vid Kavticnik (Montpellier) – 58 mörk

6. Naumce Mojsovski (Metalurg) – 56 mörk

7. Marko Vujin (Veszprem) – 53 mörk

8. Niklas Ekberg (AG København) – 52 mörk

9. Milorad Krivokapic (Kimos Coper) – 50 mörk

10. Sven Søren Christoffersen (Füchse Berlin) – 49 mörk

10. Guðjón Valur Sigurðsson (AG København) – 49 mörk

10. Martin Stanovsky (Ademar Leon) – 49 mörk

Mynd: Nordic Photos

9. umferð Meistaradeildar Evrópu lauk á sunnudaginn síðastliðinn og umferðin hefur verið tekin saman á síðu Meistaradeildarinnar, ehftv.com. Þar eru meðal annars valdar bestu markvörslur umferðarinnar en það er Oleg Grams, markvörður Medvedi og rússneska landsliðsins sem á vörslu umferðarinnar.

Grams er kominn út jafnvægi en nær á meistaralegan hátt að verja vítið frá leikmanni Veszprem, Gabor Csaszar.

Þá eru bræðurnir frá Tékklandi, þeir Richard Stochl og Petr Stochl en þessir markverðir eru í heimsklassa og hafa ekki notið þeirra athygli sem þeir eiga skilið en Petr spilaði meiri hluta leiks Füchse Berlin gegn Atletico Madrid og varði meistaralega.

Hér má sjá myndband yfir fimm flottustu markvörslur umferðarinnar.

5. Darko Stanic
4. Danijel Saric
3. Richard Stochl
2. Petr Stochl
1. Oleg Grams

Mynd: Nordic photos

Tveir leikir eru á dagskrá í meistaradeild Evrópu í dag. Um er að ræða fyrri viðureignir liðanna í 16 liða úrslitum keppninnar. Napoli tekur á móti Chelsea á ítalíu og CSKA Moskva fær stjörnuprýtt lið Real Madrid í heimsókn til Rússlands.

CSKA Moskva – Real Madrid – klukkan 17.00 – í beinni útsendingu á Stöð 2 Sport

Flestir búast við auðveldri viðureign fyrir lærisveina Jose Mourinho í Real Madrid þegar að þeir mæta CSKA Mosvku í tveimur leikjum. Fyrri leikurinn, sem fer fram í kvöld, fer fram í Rússlandi á heimavelli CSKA og eru þeir erfiðir heim að sækja. Leikmenn Real þurftu að ferðast langar vegalengdir til þess að komast til Rússlands og spila þar í aðstæðum sem þeir eru ekki vanir. Fimbulkluldi er nú í Rússlandi og gæti það komið heimamönnum vel sem þekkja vel til þeirra aðstæðna. Madrídingar sitja í efsta sæti spænsku úrvaldeildarinnar, með 10 stiga forskot og hafa verið á miklu skriði að undanförnu. CSKA situr í 2. sæti rússnesku úrvalsdeildarinnar, 6 stigum á eftir Zenit. Leikurinn hefst klukkan 17.00 og verður í beinni útsendingu á Stöð 2 Sport

Napoli – Chelsea – klukkan 19.45 – í beinni útsendingu á Stöð 2 Sport

Afskaplega mikilvægur leikur fyrir knattspyrnustjóra Chelsea, Andre Villas-Boas, sem að berst fyrir starfi sínu sem stjóri liðsins. Chelsea hafa farið í gegnum afskaplega erfitt tímabil upp á síðkastið og eru nú að ganga í gegnum mestu lægð sína frá því að Roman Abramovic keypti klúbbinn. Þeir gerðu einungis jafntefli við 1. deildarlið Birmingham á heimavelli um helgina og er talið að ef þessi leikur fari illa fyrir Chelsea gæti Villas-Boas orðið atvinnulaus í þessari viku. Chelsea hafa aðeins unnið 1 af síðustu 6 leikjum sínum. Chelsea situr í 5. sæti ensku úrvalsdeildarinnar, 17 stigum á eftir toppliði Manchester City.  Napoli hafa ekki tapað á heimavelli í Evrópukeppnum í síðustu 11 viðureignum sínum en þeir hafa hinsvegar átt misjöfnu gengi að fagna í ítölsku úrvalsdeildinni. Þar sitja þeir í 6. sæti, 13 stigum á eftir toppliði AC Milan. Napoli kom hinsvegar skemmtilega á óvart í riðlakeppni meistaradeildarinnar þar sem þeir lentu afar erfiðum riðli. Þeir hinsvegar náðu fjórum stigum af 6 mögulegum gegn Manchester City, sem varð til þess að þeir fóru áfram en Manchester City sat eftir með sárt ennið. Það verður því um hörku leik að ræða í kvöld þegar að þessi lið mætast. Leikurinn hefst klukkan 19.45 og er í beinni útsendingu á Stöð 2 Sport.

Mynd: Nordic photos

Aðeins voru tveir leikir á dagskrá í NHL deildinni í íshokkí í gærkvöldi. Nokkuð sérstök úrslit litu dagsins ljós en Ottawa Senators vann New York Islanders, 6-0 og Carolina Hurricanes vann Washington, 5-0. Nokkuð sérstakt er að sjá svona stóra sigra í svo jafnri deild og sérstaklega að sjá tvo leiki þar sem annað liðið nær ekki að skora.

Senators áttu frábæran leik þegar að þeir fóru í heimsókn til Long Island að taka á móti Islanders. Heimamenn áttu aldrei möguleika gegn skemmtilegu liði Sentators. Erik Karlsson var frábær í liði Ottawa en hann skoraði 2 mörk og gaf 2 stoðsendingar. Jason Spezza átti einnig góðan leik en hann skoraði 2 mörk líka. Ekki er hægt að hlaupa yfir yfirferð á þessum leik án þess að minnast á þátt Craig Anderson í marki Ottawa Senators sem að varði öll þau 28 skot sem á hann komu í leiknum. Þetta var þriðji sigurleikur Ottawa í röð og sitja þeir í 7. sæti austurdeildar. Islanders sitja hinsvegar í 12. sæti í sömu deild.

Alex Ovechkin og félgar í Washington Capitals eiga ekki sjö dagana sæla um þessar mundir. Ovexhkin sem er einn besti leikmaður deildarinnar hefur aðeins verið skugginn af sjálfum sér það sem af er vetri og telja margir að hann þoli sviðsljósið illa sem er á honum um þessar mundir. Í gær töpuðu þeir á útivelli, 5-0 gegn Carolina Hurricanes. Þetta var annar tapleikur Capitals í röð sem sitja í 10 sæti austurdeildar en Carolina , sem hafa verið á ágætis skriði að undanförnu, sitja í 15. og neðsta sæti austurdeildar. Einn af Staal-bræðrunum, Eric, átti mjög góðan leik í liði Hurricanes en hann skoraði 2 mörk og gaf eina st0ðsendingu. Capitals voru það slakir að þeir komu aðeins 17 skotum að marki Hurricanes sem að hinn efnilegi Justin Peters varði öll.

Öll úrslit gærkvöldsins:

Carolina Hurricanes 5-0 Washington Capitals
New York Islanders 0-6 Ottawa Senators